الجمعة، 3 يونيو، 2016

فيلم أبوكاليبس الحرب العالمية الثانيةف ApocalypseThe Second World War

الكاتب: walid rehan   بتاريخ :  10:19 ص   The Second World War بدون تعليقات

فيلم  أبوكاليبس الحرب العالمية الثانيةف ApocalypseThe Second World War



احتفظ بالبوست ده لحد ما تفضى .. ده أفضل فيلم وثائقي تم إنتاجه من وجهة نظري
قبل مانتكلم عن الفيلم .. شوية معلومات كدا في السريع عن موضوعه:
فيه لعبة أدمناها وإحنا عيال صغيرة اسمها Medal of Honor: Allied Assault
كثير مننا ميعرفوش إن أماكن وأحداث وديكورات اللعبة دي، متآخدة من حدث حقيقي وهو‫#‏الحرب_العالمية_الثانية‬ واللي شكــّلت وضع العالم في القرن اللي بنعيش فيه حاليًا؛ لأنها ببساطة:
1. أكبر حرب حدثت في تاريخ البشرية
2. شارك فيها فوق الـ 100 مليون جندي تابعين لأكثر من 30 دولة
3. تم فيها استخدام القنبلة الذرية لأول مرة
4. مات فيها أكثر من 50 مليون رجل ومرأة مدنيين أبرياء.. غير الجنود
في سنة 2009 -أي بعد انتهاء الحرب بـ 60 سنة- قام التلفزيون الفرنسي بإنتاج فيلم وثائقي عالمي أطلق عليه اسم أبوكاليبس: الحرب العالمية الثانية Apocalypse: The Second World War .. أبوكاليبس كلمة ذات أصل يوناني معناها الحرفي رفع الغطاء أو "كشف الحجاب"والمقصود كشف أسرار الحرب دي ... مشاهد الفيلم بالكامل حقيقية .. مشاهد نادرة تعرض لأول مرة .. قام الفريق المنتج بالاستعانة بالموسيقار الياباني كينجي كاواي Kenji Kawai عشان يحط الموسيقى التصويرية الرهيبة للفيلم وقام المخرج الفرنسي ماتيو كازافيتش Mathieu Kassovitz بإخراجه وطلّعوا فيلم مدته 312 دقيقة من أروع ما يكون
الفيلم نجح بإكتساح .. تم عرضه في 165 دولة .. شاهده أكثر من ألف مليون شخص (مليار شخص)
وأخذ جائزة عالمية كأحسن فيلم وثائقي سنتها وحصد عديد الجوائز العالمية..
قناة National Geographic Abu Dhabi دبلجت الفيلم بصوت المتألق الراحل محمد السعيد (مشهور وهتعرف صوته لما تشوف الفيلم) ثم أذاعت الفيلم في 6 أجزاء بعد ما عملت حملة دعاية مسبقة كبيرة عن عرض الفيلم.
بصراحة صوت الراحل محمد السعيد وطريقة إلقاؤه و علو وإنخفاض نبرات صوته مع الحدث .. شي أنا مُنبهر بيه وبحاول أذاكره مُذاكرة .. درس لكل الإذاعيين.
وبدون شك، ظهر أوي المجهود الجبار اللي بذله فريق الإعداد في معالجة المواد الفيلمية اللي أغلبها كانت أبيض وأسود عشان يحولوها إلى ألون.
الجميل والمتميز في الفيلم .. هو إنك مش هتحس أبدًا بكمية المعلومات الرهيبة والجديدة عليك اللي هتشوفها .. بل هتحس إنك بتتفرج على عمل أدبي روائي مشوق .. أتحداك متشوفوش أكثر من مرة ..
الفيلم تناول كل شخصية بشكل إنساني خاص وعلى رأسهم Adolf Hitler الشخصية الغامضة اللي قتلت ملايين البشر بشكل غير إنساني وفي النهاية أقنع Eva Braun محبوبته إنهم ينتحروا مع بعض .. هي بسم السيانايد Cyanide وهو برصاصة أطلقها في خده الأيمن.
برضو فيه شوية مواقف فكاهية هتشوفها في النص.
هتعرف إزاي أمريكا تحولت من دولة ملهاش أي 30 لزمة بتحاول تتحاشي الدخول في الحرب ضد ألمانيا .. إلى دولى عظمى تسود العالم عسكريًا، وهتعرف قصة إسقاط قنبلة هيروشيما .. وإزاي نشأت الحرب الباردة و الصراع الروسي – الأمريكي اللي مازال مستمر لحد إنهارده.
هتشوف إزاي كان بيتم استخدام الفن لإخضاع الشعوب فكريًا بالسياسة الناعمة.
والأهم .. هتعرف كل مهمة من المهمات اللي لعبتها في اللعبة (ميدال) إنها حاجة حقيقية وحصلت و هتعرف حكاية Omaha Beach
هتشوف إزاي دول كانت متخلفة وأهلها شعب لم يعرف أي شئ عن الحضارة والتقدم .. بقت دلوقتي من الدول اللي الناس بتتمنى تهاجر ليها،
هتسمع قصص مدن .. هتلر ساواها بالأرض .. بقت دلوقتي أعظم المدن الصناعية في العالم
و كمان هتعرف إن اليابانيين عينيهم ضيقة من قبل القنبلة الذرية  مش زي المعلومة اللي إتقالت لنا زمان
هتعرف إزاي الداهية الروسي Joseph Stalin قدر يوقف الوحش الألماني وأذله أشر إذلال
إزاي رئيس وزراء بريطانيا Winston Churchill قدر يوحد الشعب كله على قلب رجل واحد ويشجعهم مع إنه كان شبه مهزوم وشعبه اليأس كان مالي عينيهم.
و هتعرف أكثر عن مشاركة مصر في الحرب و معركة ‫#‏العلمين‬ وإيه حكاية ‫#‏رومل‬ ثعلب الصحراء لما كان في مصر.
الناس اللي بتحب التخطيطات العسكرية والاستراتيجية هتستمتع بدرجة جنونية بالفيلم ده.
وطبعًا -مثله مثل أي عمل في العالم- في بعض الانحيازات لصالح الدولة المنتجة للفيلم.
وطبعًا منقدرش نحكم على أي شخص أو أي حدث في العالم من فيلم واحد أو من وجهة نظر واحدة .. لكن بلا شك ..ده عمل يستحق الاقتناء والمشاهدة
مش هطول عليكو ومش عاوز أحرق الفيلم .. الفيلم ده من الحاجات اللي أثرت فيَّ جدًا وغيرت نظرتي للحروب والآلة العسكرية عمومًا.
بُص بقى
نزل أول جزء من الأجزاء الستة .. و قبل ما تتفرج عليه .. شغل الداونلود ع الجزء اللي بعده .. بحيث عقبال ما تخلص مشاهدة يكون اللي بعده نزل بالفعل وهكذا في باقي الأجزاء
نزل حلقة .. حلقة من هنا:
أو لو النت عندك مش سريع .. نزل البرنامج ده
http://bit.ly/UTorrentProgram
بعد كدا نزل فايل التورنت الصغير ده
http://bit.ly/ApocalypseTorrent
هينزلك كل الحلقات مع بعض بثلاث صيغ avi & mp4 & ovg
اختار اللي تحبه،بس لازم الداونلود يخلص بالكامل 100% عشان تبدأ مشاهدة.
أما لو إنت من محبي المشاهدة اونلاين من على موقع YouTube
و كمان عاوز تشوفها جودة عالية تصل لـ HD 720p أو منخفضة عشان سرعة النت وكدا .. إتفضل أنت تستحق هذا
http://bit.ly/ApocalypseHDPlaylist
بس الجزء الأخير شوفو اونلاين من هنا
http://bit.ly/FRApocalypseEpisode6
وكله مدبلج للغة العربية
لا تنسى:
"من وعى التاريخ في صدرهِ، أضاف أعمارًا إلى عمرهِ"
هدية كدا بما إنك كمّلت قراءة للآخر:
الموسيقى التصويرية للفيلم كاملة و هي 26 تراك من تلحين الموسيقار اللي قولنا اسمه سالفًا
http://bit.ly/MusicTracksofApocalypse
استمتع وإتثقف 
لو لسه فيك صحة تقرأ مقالات 
دوس هنا http://bit.ly/shazarat
شاركنا مجتمه هنساعدك تبدأ
أكبر مجتمع تطوعى تعليمى على الانترنت
‫#‏هنساعدك_تبدأ‬
‫#‏هتسبق_بخطوة‬

منقول عن صفحة 

معلومات كاتب الموضوع

.
: waledrehan

0 التعليقات:

ads

Back to top ↑
سجل بريدك يصلك كل جديد

What they says

Translate

متتبعون المدونة

Follow by Email

متتبعينى على جوجل بلس

التسميات

آيفون 6 سي آيفون 7 آيفون 7 بلس اخبار اخبار الطقس.حالة الطقس اختراق تطبيقات الويب اخر الاخبار ادعية اغاني اغنية محظوظ تامرعاشور اغنية مسافر اغنيةشفت البرمجة التسويق الالكتروني التغرات وكيفية الحماية الربح من النت الفرنجة الفيديو الكامل لعقد قران كابتن رمضان صبحي علي حبيبة أكرامي امان أمن المعلومات بث مباشر برامج وشروحات ترددات الاقمار تواقيع دينية2017 حالة الطقس حسين الجسمي حظك اليوم حماية خواطر دعاء جميل لصباح ديجتاليزر رائد اعمال ريادة الاعمال رياضة رياضه شرين صدمة غيابك ضحك عبدالعزيز المعنّى عروض فتاة المول فيديوهات احمد حسين فيس بوك قياس نتائج كفايات المعالمين كاس العالم2018 كفايات المعلمين كلمات اغاني كوره كافيه كوميديا مشاريع صغيره مقهي كوره كافيه الدوحة منوعات مواقع تعليمه مجانية نتائج الامتحانات نتائج كفايات المعلمين1438 هدايا مجانية واختبار وظائف يورو2016 Apocalypse apple iPhone 7 BBC English Course free Continuing Education Egyptian Pound el kahera el youm live euro2016 Facebook free course Free Online Education free web traffic analytics free website analytics free website traffic monitor my website stats site traffic stats Traffic Galaxy Note 7 Galaxy S7 edge GalaxyS6 GalaxySEdge iPhone 6s iphone6C kooracafe Learn English language Mahzouz Tamer Ashour messi news Online Branding Organic Search research link-building seo SEO campaign Social Media sports TECH & SCIENCE The Second World War Traffic keyword
© 2013 قطر ماركتنج. تعريب تقارب Converted by BloggerTheme9
Blogger templates. Proudly Powered by Blogger.