الجمعة، 26 يناير 2018

الخالدين-The Immortals

الكاتب: walid rehan   بتاريخ :  2:52 م   Immortals بدون تعليقات

الخالدين-The Immortals



على مر التاريخ في كل دولة أو إمبراطورية، كان في فئة من الجيش هي إللي بتخلي كفّة الميزان بتاعهم تطب زي ما بنقول، ومن الإغريق للعرب للفرس وروسيا، كانت كل إمبراطورية عندها كتيبة تعتبر صفوة الجيش وبتخاف منها باقي الجيوش.

تعالى أكلمك النهاردة عن "الخالدين-Immortals" 



لو إتفرجت على فيلم 300 فإنت أكيد شوفت الجنود إللي لابسة أقنعة تحت دي، أهو دول هما الخالدين، صفوة جيش الإمبراطورية الفارسية الأولى أو الأخمينية وقتها. كانت تعتبر وحدة المشاة التقيلة للفُرس (إيران حاليًا) والحامية الخاصة بتاع الملك.

طبعًا إنت عارف إنه الفرس والإغريق كانوا على عداء تام وخلاف، فتخيل إن هيرودوت الأغريقي نفسه هو إللي بيمجد في قوتهم.. الخالدين يا سيدي كانوا كتيبة عملاقة جدًا من الجنود إللي إّتسموا بكبر وضخامة بنية الجسم وكأنهم مش بشر(بيتم إختيارهم واحد واحد من وسط الشعب بأكمله والجيش)، عددهم كان بالظبط 10.000 جندي، ما بيزدوش ولا ينقصوا ولو حد منهم مات، بيجندوا واحد مكانه. السبب إللي خلى هيرودوت وباقي جنود عصرهم يطلقوا عليهم الأسم دا، هو إنهم أثناء القتال، لو واحد منهم إتصاب وسقط أو مات، بياخدوه بسرعة تاني لور، ويجي مكانة جندي تاني، فإنت لو بتحاربهم، هتلاقيهم ما بيخلصوش أبدًا أو مابيموتوش.

الجنود دي كانت على أعلى درجة من فنون القتال والحرب ومعروف إنها لو شاركت في حرب بأمر من الملك، هما الكسبانين خلاص، ودا بعيدًا عن ضخامتهم وشكلهم الموحد إللي كان بيسبب الرعب للجنود المعادية.. كانوا بيختاروهم من أهلهم من سن 5 سنين وعلى حسب هيئة كل واحد البدنية ويعزلوهم عن أهلهم بالقوة ويدخلوهم تدريب مكثف وشديد جدًا لغاية ما يبقى عنده 15 سنة ولو نجى، بيدخل الجيش ويبدأ التدريب الأكبر وهو بيقضي خدمته لغاية سن الـ50.
من أشهر تدريباتهم وهواياتهم الخاصة، هي صيد القطط الكبيرة زي النمور والأسود والفهود :"|
بدأوا خدمتهم للإمبراطورية من أول سايروس العظيم ولغاية زركسيس إللي إنهزموا لأول مرة في عهده على إيد الإغريق بعد ما أنهك صفوفهم الـ300 إسبارطي.. وبعدها إستخدموا أكتر من مره للحروب مع الإمبراطورية البيزنطية والفرنسية وإيران.

للأسف، الفرس مكنش عندهم القوة الحربية بتاع الأغريق أو باقي الإمبراطوريات التانية، كانوا بيحاربوا بأسلحة خشبية وأدرع خشبية ودا مايجيش حاجة جمب أسلحو ودروع وسيوف الإغريق، فكانوا بيعوضوا عن دا بكبر عددهم.. زركسيس لوحده كان تحت إيده حوالي 3 مليون جندي بيقودهم الـ10.000 الخالدين.

من حملات التشوية اللي كانت بتعملها ضدهم الإمبراطورية الإغريقية، هي إتهامهم بالهمجية وإطلاق لفظ بربر عليهم، لكنهم كانوا أذكيا جدًا وبارعين في الحرب النفسية، على سبيل المثال، في 525 قبل الميلاد، في معركة الفارما إللي قامت عشان إمرأه واحدة بس.
الملك قمبيز التاني كان عايز يتجوز بنت أماسيس (بسماتيك الـ3) فرعون مصر.. أماسيس كان خايف إن بنته هتكون محظية أو عشيقة للملك قمبيز بدل ما تكون زوجته الرسمية، فمرضاش يجوزهاله وقام بتهيئة بنت فرعون مصر إللي قبله وبعتهاله على إنها بنته، لكن قمبيز عرف الخدعة إللي إتعملت فيه وقرر إنه يسيطر على مصر.
قمبيز قام بوضع خططته بذكاء شوية، قبل ما يهجم على مصر، عرف إن المصريين بيقدسوا جدًا القطط لدرجة إنه في إله مصري على شكل قطة، فأمر الجنود بتوعه كلهم برسم قطه كاملة على الدرع إللي في إيديهم.. لما راحوا أرض المعركة، أخدوا معاهم قطيع كبير جدًا من القطط ومشوهم قدامهم، المصريين طبعًا خافوا ليقتلوا كائن مقدس زي دا أو حتى يحاربوهم وإستسلم الجيش، فقام جنود قمبيز بذبح أكتر من 70.000 جندي مصري، في حين إننا قتلنا منهم حوالي 7.000 بس، وللأسف تمكن من الإستيلاء على مصر وتنصيب نفسه فرعون.


منقول من صفحة المبدع

معلومات كاتب الموضوع

.
: waledrehan

0 التعليقات:

ads

Back to top ↑
سجل بريدك يصلك كل جديد

What they says

Translate

متتبعون المدونة

Follow by Email

متتبعينى على جوجل بلس

التسميات

آيفون 6 سي آيفون 7 آيفون 7 بلس اخبار اخبار الطقس.حالة الطقس اختراق تطبيقات الويب اخر الاخبار ادعية اغاني اغنية محظوظ تامرعاشور اغنية مسافر اغنيةشفت الاسكان السعودي الانتخابات المصرية البرمجة التسويق الالكتروني التغرات وكيفية الحماية الربح من النت السعودية السيسي الضمان السعودي الفرنجة الفيديو الكامل لعقد قران كابتن رمضان صبحي علي حبيبة أكرامي الوان السلهام امان أمن المعلومات انتخابات الرئاسة المصرية2018 بث مباشر برامج وشروحات بطاطس مشوية تاريخ ترددات الاقمار تواقيع دينية2017 حالة الطقس حسين الجسمي حظك اليوم حماية خواطر دعاء جميل لصباح ديجتاليزر رائد اعمال رمضان2017 ريادة الاعمال رياضة رياضه سلهام سلهام اطفال سلهام حريمي سلهام رجالي سلهام شتوي سلهام قطر سلهام مغربي سمك قاروص مع خضار مشكل بالفرن شريفمنير شرين صدمة غيابك ضحك طحينة عبدالعزيز المعنّى عروض فتاة المول فيديوهات احمد حسين فيس بوك قياس نتائج كفايات المعالمين كاس العالم2018 كريم عبدالعزيز كفايات المعلمين كفتة الحاتى كلمات اغاني كوره كافيه كوميديا مسلسل الزيبق مسلسلات رمضان مشاريع صغيره مصر2018 معلومات معلومات عامة مقهي كوره كافيه الدوحة منوعات مواقع تعليمه مجانية موقع ويكيبيديا نتائج الامتحانات نتائج كفايات المعلمين1438 هدايا مجانية واختبار وظائف ويكيبيديا يورو2016 Apocalypse apple iPhone 7 baked roll beef steak BBC English Course free Continuing Education Dunkirk Egyptian Pound el kahera el youm live euro2016 Facebook free course Free Online Education free web traffic analytics free website analytics free website traffic monitor my website stats site traffic stats Traffic Galaxy Note 7 Galaxy S7 edge GalaxyS6 GalaxySEdge Immortals Instagram iPhone 6s iphone6C kooracafe Learn English language Mahzouz Tamer Ashour messi news Online Branding Organic Search research link-building Samsung Galaxy S8 Samsung Galaxy S8+ sea bass w/mix vegetables in oven seo SEO campaign Social Media sports TECH & SCIENCE The Second World War Traffic keyword
© 2013 قطر ماركتنج. تعريب تقارب Converted by BloggerTheme9
Blogger templates. Proudly Powered by Blogger.