اهم 49 حاجه تعملهم في الـSEO

اهم 49 حاجه تعملهم في الـSEO

الArticle دي مش للأحصاء و لا للشرح هي معموله عشان تكون Check List يعني قايمه تقيس  بيها انت مظبط الSEO بتاعك بنسبه اد ايه
اللي مكتوب في الArticle دي مش كل حاجه بس هي اهم حاجات بصوره “مبدأيه ” و هتلاقيها متقسمه اقسام يعني حجات تعملها في الKWs و حاجات تانيه تعملها في الContent هاكذا

- استخـــدام الـKeywords

1-Keyword Research 
هتحضر قايمتين بالـ Keywords، أول قائمة هتضم حاجتين Keywords للـ Brand بتاعتك (زي: مايكروسوفت، أوفيس، شيربوينت) والـ Keywords البيعية (زي: نظام تشغيل، محرر نصوص، الخ..) والقايمة التانية للـكلمات الـلي هتستخدمها في المحتوى، ودي هتبنيهـا عن طريق معرفة الـ Marketing Persona بتاعتك والمشاكل اللي بتقابلهم والاهتمامات والأهداف بتاعتهم.

هتستخدم بقى الـ Keywords دي حسب هدف كل Landing Pageوفي كل عنصر من عناصر الصفح

 Branding & Content Keywords

الفكرة هنــا انك تفصل بين نوع الـ Keywords اللي بتستخدمها عشان كل نوع ليه استخدامه.. في الـ KWs بتاعت الـ Brand زي “مايكروسوفت شيربوينت” ودي هتستخدمها لما تحب تتكلم عن الـ Product بتاعك بطريقة مباشرة في الـ Website مثلاً .. وفي الـ KWs بتاعت الـ Content زي “نظم إدارة المستندات”.. ودي هتستخدمها وإنت بتحاول تشرح للـ Prospects في الـ Blog مثلاً إيه فوائد الـ إدارة المستندات لشركتك.

بعد الKW Research هنبتدي نعمل خطوات معتمده علي اللي طلعناه و اللي هنبدأ نستخدمه في حجات هنتكلم فيها في النقط اللي جايه

2-Pages’ Titles

غني عن التعريف وده عنوان الصفحة الي الـ Search Engine بيقدر يقراه ويتعامل معاه و اكيد الجواب لازم يبان من عنوانه بس من غير ما تحشر الKW بالعافيه, .

3-URLs

الـ keyword بتاعتك الرئيسية اللي كل صفحة بتحاول تعملها Promotion لازم تبقى موجودة في الـ URL .. لو إنت من الناس اللي بتتعامل مع محتوى عربي وقابلك السؤال بتاع: الـ URL يبقى عربي ولا بلاش عشان بيطلع طلاسم في الـ Browser؟ فالإجابة أه عربي طبعــاً.

  4-Descriptions
بغض النظر إنها من أهم الحاجات في الـ SEO بتاع أي صفحة، بس فكر شوية ليه هي مهمـة؟ الـ Description مهمة عشان ده الملخص اللي الناس بتقراه عشان تقرر تدخل على الـ Result  دي ولا لأ. بس كدة. يعني الموضوع مش Technical بحت.. أكتر منه User Experience.

5- الـ <Headings>
عنوان الصفحة اللي بيشوفه الـ User أو عنوان كل Piece بتاعت Content موجودة في الصفحة.
في الـ Content متخليش حد يضحك عليك و يقولك ركز مع الـ  Keywords Density

لو ركزت في الموضوع ده مش هتبقي حقيقي و دلوقتي مبقاش في حاجه اسمها Density بعد ما بقي في يجي 50 factor للـQuality بتاع الContent بس

يعني استخدم الKWs بالطريقه اللي تفيد الuser لا أكتر و لا اقل

6- Anchor Texts
وهو الوصف بتاع الـ Links عندك في الـ Website،

7-Image Alt-tag

في الـ Alt-Tagsبتـاع كل الصور
وده طبعاً عشان الـ Search Engine مبتشوفش .. وحتى وقتنا هذا هي بتقرا بس ، فـا مش هتفهم إن الصورة دي فيها فيـــل إلا لو كتبت في إنها صورة فيــل.
من الأدوات اللي هتستخدمها:     
G Planner-  SEMRush – SeoKeywordspy–MOZ–WebSeoAnalytics – MyOnPageSeo

 - الـ Structure والـ Performance بتاع الموقع

الهـدف الرئيسي في المرحلة دي إنك تتأكد إن محرك البحث يقدر يقرأ الـ Website بتاعك بكل سهولة عشان يقدر يحدث المعلومات اللي عنده بسرعة وبطريقة صحيحة.
طبعــاً أول مأنا قلت محرك بحث نط Google في دماغك على طول ..
أكيد طبعاً عندك حق J جوجل مسيطر على حوالي 90% من الـ Search Queries اللي الناس بتعملها، بس هتحتاج تعدل استراتيجيتك لو بتستهدف بلاد معينة زي الخليج أو اليابان “أوعي تهمل Yahoo” أو روسيا حيث “Yandex أهم” أو الصـيـن حيث “Baidu أهم طبعــاً”.

المهم بقى هنــاخد بالنا من الحاجات دي

8-متعميناش وإعمل Clear Design أو عدله

هل تعلم إن 80% من العملاء أونلاين بيستخدموا الـ Design كمعيار أول قبل مياخدوا  قرار إذا كانو هيتعاملوا مع الشركة الفلانية ولا لأ (دراسة). سر النجاح في النقطة دي السهولة.
Site Coding – W3C Compliance
يعني ان يكون الwebsite بتاعك مفيهوش Technical Errors لأن دي من العلامات اللي Google بتستخدمها عشان تحدد درجه ثقتها فيك قد ايه

9- Page Loading Time أقل من 3 ثواني لأطخن صفحة

بس لو جيت للحق عم Matt Cuts قالك 1.4 ثانيه تبقي في السليم يا سحبي

اه و ربنا هو قال كده بس طبعا من غير يا سحبي

حاجة سهلة لو الصفحة خفيفه وحاجة ممكن تبقى كابوس لأي Developer لو الصفحة تقيلة فعلأً J

   10- نسبة المحتوى للـكود بتاع الصفحة تبقى متناسقة
ببساطة مينفعش يبقى حجم الصفحة 50Kb والصفحة شايلة سطرين تلاتة مثلاً (لو مش فاهم اسأل)

     11- بلاش Frames
لو هتستخدم Frames  ومزنوق فيها، متحطش فيها حاجات مهمة، يعني إستخدمها مش عيب، بس متستناش الـ Search Engine مش  بيقرا اللي فيها.

 12-زود الـ Page Caching
عشان الـ Browser يقرا الـWebsite بسرعة وميحملش نفس الملفات كل مرةوإعمل JS Minificationعشان تقلل حجم الصفحة

13- إوعي تنسى الـ Robots.txt
أسهل طريقة تكلم بيها الـ search engine هي الـ File ده، ممكن ميبقاش ليه لازمة لو معندكش طلبات معينة من نوعية : إنك تقول لجوجل متجيش عندي كتير عشان الـ Traffic مش مستحمل.. أو متجيش خالص ناحية الصفحات الفلانية.

  14-متنساش  الـ Favicon
Icon الـ Website بتاعك في الـ Browser والـ Bookmarks وكده.

15-الـ Doctype declaration في أول أي ملف
اللي بتقول لأي Browser أو Operating System ايه نوع الـ File اللي هيقراه عشان يعــرف يقراه

   16- شوف الـ Rendering بتاع الـ Websiteعلى جميع أنواع الأجهزة التانية كلها

، كل ما تقعد مع واحد صاحبك جرب،،، هو في Applications للموضوع ده بس مافيش أحسن من الـ Manual Testing

  17-  لو فلوسك مساعداك إختـار أو غير لـ Server نضيف
عشان السرعة وعشان تستحمل الـ Traffic وعشان الـ Customer Service ربنــا ما يحوجك ليهم إنشاء الله

من الأدوات اللي هتستخدمها:     
Nibbler -.httaccess – Alternative PHP caching –Quickcache- YUI Compressor – Closure Compiler- JSMinification

18 - الـ Security
مش هتكلم فيه باستفاضه عشان في نـاس خبرتها أحسن في الـبرمجة وتقدر تشرح أحسن، لكن أهم أربع نقط تعدلها وتاخد بالك منهـا هي:

- إنك تلغـي الـ Directory Browsing
-والـ Libwww-perl Access
-تتابع الـ Safe BrowsingGuidline بتاعت Webmaster
-تغير من ضمن حاجات تانية الـ  Log-in & admin panel urls
لو زي 99% من البشر بتستخدم CMS مشهور زي WordPress أو Joomla أو Drupal أو MODX أو حتى Magento بتاع الـ Ecommerce ومعملتش الموقع من تحت الصفر.

- الـ Content

الـContent موضوع قُتــل بحثاً بصراحة أو بمعنى تاني لو هكتب عنـه مينفعش في الكبسولة خالص، المهم… أهم نقط فيه هي:

19-تسأل نفسك هل المحتوى Genuine؟
اصلي يعني و لا قريت Article و بتكتبها بطرقتك و خلاص, ايه ده ؟ امال انا المفروض اكتب اذاي؟
ده موضوع تاني ممكن تقرا عنه من هتا

20-هل المحتوى بيعلم الناس حاجة جديدة ومُغري للتحميل؟ (دي غير اللي فوق تماماً)

21-بالنسبة للكــود هل راعيت الـ Rich Snippets والـ Guidelines بتاعت  Schema.org

محتاج تقرا بسرعة عن استخدام الـ Knowledge Graph والـ Freebase عشان تعرف ازاي تربط الـ Brand بتاعك وببساطة تقول للانترنت إن صفحة الـFacebook الفلانية بتاعت الموقع الفلاني بتاعت الشركة الفلانية اللي موجودة في المكان الفلاني واللي بتصوصو في الـ Twitter الفلاني وهكذا.

23-عامل Content Map
عشان تخدم الInternal Linking Strategy بتاعتك

24-عندك Linkable Assets 
يعني حاجات الناس هتفضل تـLink ليها طول العمر و انت بتعملها Update من فتر للتانيه زي مثلاً انك تعمل Glossary يعني قاموس مصطلحات زي اللي School of Marketing عملته في الBlog بتاعها تقدر تشوفه من هنا

25-ميكونش الcontent بتاعك متكرر
او متاخد من حته تانيه و لو حد واخده منك حاول تتشقلب عشان يحطلك الCanonical Tag

بالنسبة للـ URLs

هتتأكــد إنها:

26-  Friendly URLs
يعني مافيش Strings أو Characters غريبة ويكون user Friendly وسهل الناس تفتكره وبيعبر عن محتوى الصفحة

  27-Unique URLs
على قد ما تقدر عشان أكيد هيبقى عندك خمسين صفحة بتتكلم تقريبا في نفي المجــال.

   28-تتأكد إنك بتستخدم
Redirects 301 – 404 – 302 و URL Canonicalization للصفحات اللي عناوينها إتغيرت أو إتمسحت أو الـ CMS بتاعك عملها أكتر من نسخة URL عشان تحافظ الـ Page Rank بتاعك وميتفرقش دمه بين النسخ دي كلها.

29-   تحاول متزودش الـ Link Structure بتاع الـWebsite عن ثلاث مستويات (تابع النقطة الأولانية)

30-  متنساش الـ Site Map طبعاً Xml  عشان أسهل للـ Crawler

   31-لو الموقع كبير إعمل Test على الـ Broken Linksكل شوية

32-متنساش الـ IP Canonicalization عشان الـPr بتاع الـ Website ميتأذيش.

- الـ Off-Site SEO

الـ Off-Site SEO محتـاج شريط الصراحة مش كبسولة بس. في خمسين ألف حاجة في النقطه دي بالذات بس مقدرش مهما حاولت أغطيهم كلهم، بس هو ببساطة من وجهه نظري، الـ Off-Site Seo بالطريقه المتعارف عليها  قائم بدون تعقيد على الـ Link Building اللي هو نزود عدد اللينكات اللي جايالك يعني  بس دلوقتي الموضوع اختلف كتير

بقي في Approach في الـSEO اسمه Link Earning و هو انك مش انت اللي تعمل الLinks دي بنفسك, لا , انت بتعمل الحجات اللي تخليك تكسب Links و انت سايب اديك  ، النقط اللي تحت بتحاول تغطي الحاجات اللي ممكن تعملها عشان تزود الـ Reputation بتاعتك (أو عدد اللينكات يعني) عن طريق الـ White Hat Technique بس  واللي أه بتاخد وقت وبتحتاج مجهود Offline أكتر منه أونلاين لكن الـReward بتاعتها بحد تستاهل.

الـ Internal Linking

33-في رقم 23 قولتلكم اعملوا Content Map عشان تسهل الInternal Link Structure  هنا بقي استخدام الMap دي عشان تعمل الStructure صح 

 34- لازم يبقى عندك وسيلة تتابع بيها عدد الـ Internal Links انا شخصياً شايف ان الWebmaster tool كفايه لو معندكش site ضيناصور

35-الExact Match Anchor text اصلاً حرام في الInternal Linking

 الا اذا اتعملت بطريقه طبيعيه بدون اي اشكال و حراكان (جوه النجمه الذهبييه و الخوماسيات المتوازيه ده فكك منه , متخليش في اي خريطه نظاميه عندك عشان بكل بساطه الخرايط ترسم باليد اما التضاريص الطبيعيه بتتكون بقوه الطبيعه

External Links

  36- تبتدي تنخرب ورا المنافسين بتوعك عاملين Linking فين وتعمل احسن منهم او تبدل الlinks بتاعتك ببتاعتهم (صياعه ابديه)

 37- تبعت وتكلم وتقابل ناس من مواقع تانية
عشان تشوفو ايه اللي ممكن تعملو مع بعض وتعملو referral linking مفيد ليكو وللناس بجد

38-اهتم بـ الـكومنتات بتاعت الBlog

39-Guest Posting
. إنك تكتب بلوجات في أماكن تانية بالـ Signature بتاعك مثلاً بس دي بزات لو عملتها غلط هتتروق فا اقرا كويس اوي في الحهته دي

40-    فكك من أسطورة ان لازم يبقى عندك Links من مواقع.edu & .gov هو مش لازم بس مستحب

     41- طبعاً الـ Directories Submission اللي ببلاش الأول وجرب اللي بفلوس عادي مش مبالغ وهميةومتنساش DMOZ

بس المشكله مش هنه , المشكله ان الTask دي انت هتنحتها و لو نحتها هتضرط مش هتفيدك , سريعاً كده unique Description  لكل Directory و يستحسن Unique KW و ابعد عن الExact Match Anchor Text الله يكرمك

42-  قلل عدد الـ Outgoing Links الخارج من عندك عشان الـPR بتاع الصفحة ميضربش 

  43 - ركز قوي على الـ Social Branding

واعمل Facebook وTwitter وGoogle+ وGoogle Places وYoutubeوLinkedIn واربط الكلام ده كله ببعضه (هي مش SEO بس بعد ما Google غصبت علينا Google+ واضح إن الـ Social Media لن تنفصل عن الـ SEO خالص  )

44- مش محتاج أقولك إن الـ Content is King وبيصطاد، إكتب حاجة الناس تحب تشيرها، دايما!! عشان ده من ضمن بديهيات الLink Earning

45  وده يفكرنا نعمل كــام Link Baiting في كام حته في الـWebsite عشان نجيب رِجل، أي Modules مفيدة للـ Readers بتوعك.. أخبار.. طقس … عملة .. ياكش سودوكو J

   46- إعمل Wikipedia Page وإملاها كلام مهم ومفيد. مش لازم يبقى كتير خالص.. في صفحات مش أكتر من 150 كلمة وتمام!

اللي بيراجع الكلام ده ناس طبيعية زيي وزيك فمتعتمدش إنك تحط أي كلام عشان الـ Rejection عندهم بيقعد كتير، سر ويكيبيديا إنك تبتدي صغير وتكبر لو العكس هتتهري Revisions!!!!
أه عارف إن ويكيبيديا NoFolloW، إنما إنت لو كنت قرأت عن الـ Knowledge Graph و الـ Freebase كنت هتعرف قيمه link زي ده

    47-  RSS Feed Subscribe

  48-  في وسط الزحمةهتلاقي لينكات مش كويسة بتضر بسمعة الـWebsite بتاعك، شيلها من حسابات جوجل عن طريق Google Savoy

49-أعمل بيانات صحفية وابعتهم لمكاتب الـعلاقات العامة والجرايد، فحاول تعمل قايمة بالصحفيين مثلاً تكبر مع الوقت واختار الصغيرين

أنا قلت من الأول إن المجهود الأوفلاين أكتر من الأونلاين بكتير لو هتشتغل WhiteHat SEO فمقدرش أحصر اللي ممكن يتعمل في Article واحدة الصراحة.بس خلاص.. بس إفتكر إن دي قائمة عشان تساعدك في شغلك وتنظملك أفكارك وليس الهدف منها هو حصر الحاجات اللي المفروض تتعمل أوشرحــها. Check list يعيني

لو عندك اي حاجه زياده علي ال49 حاجه دول و متأكد منها قولنا عليها  علي طول و لو بتشتغل SEO قولنا الCheck List دي انت جايب فيها كام

ملحوظه : الChannel بتاعت الSEO في School of Marketing مش Active و مش متظبطه و عشان كده مبنتكلمش علي الSEO كتير بس الArticle ده أحمد الفرماوي هو اللي كاتبه و انا اضفت عليه مش اكتر

By
Ahmed El Faramawy
Ahmed Saif

منقول عن موقع school-of-marketing

رابط الموضوع  من هنا اهم 49 حاجه تعملهم في الـSEO