Social media الوصايا السبعة للـ

 دى اتكتبت ليه ؟ articleالـ

الكلام اللى فى الـarticle دى يعتبر كلام معروف لناس كتير لأنه ببساطة هو اساس الـsocial media  ومينفعش اى حد بيشتغل على الـsocial media يكون مبيعملهوش .. بس هو فى كام واحد بقي من اللى عارفين الكلام ده بيطبقوه فعلا؟! هو ده السؤال
مش مهم الكلام ده على قد ما المهم تطبيقه هيبقى عامل ازاى
ببساطة مثلا دلوقتى اى حد بيتكلم عن الـsocial media بيقولك انك لازم تـadd value
لحد ما بقت دى كلمة بديهية و من كتر ما هى بديهية محدش بيركز فى معناها ولا بيفكر ايه الـvalue حتى اللى المفروض يضيفها
وعشان كده قررنا نكتب و نفكر الناس بأهمية الحاجات البديهية اللى ممكن ينسوها و هم شغالين على الـ social media

و رغم ان الانسان بيتولد وهو فى فطرته احساس بالصح و الغلط  كان فى  عند الفراعنة – وفى حضارات تانية كتير –  كان فى وصايا مشهورة للإنسان عشان يبقى انسان صالح .. و الحقيقة ان كلها نصايح مفيهاش اي افتكاسه بس جمدنها في انها مفيهاش اي افتكاسه فا مفيش حد بيعملها فا لما تعملها انت تبقي مميز 

.. و بما ان اى brand  المفروض يتعامل على الـsocial media على انه human  مش machine فا احنا فكرنا نعمل الوصايا السبعة اللى تخليك  brand  صالح   :D

طيب دى مكتوبة لمين ؟

لأى حد شغال على الـsocial media و عايز يشتغل صح

خلونا نبدأ فى الوصايا :

الوصية الأولى : كُن مستمع جيد

بالمناسبة لما قلبنا فى الوصايا بتاعة الفراعنة لقينا فى وصية بتتكلم فى نفس النقطة دى .. و فى الانسانية عموما دايما الحكماء بيقولوا ان الواحد لازم يسمع كتير قبل ما يتكلم

ع الـsocial media  لازم لازم لازم تسمع كويس اوى .. تسمع الـaudience بتوعك عايزين ايه .. تسمع الناس بيتكلموا عنك ازاى ..  تسمع الـcompetitors بتوعك بيتكلموا ف ايه

لو مسمعتش كويس .. مش هتعرف تتكلم كويس

الوصية التانية :  كُن مفيد

الفكرة الاساسية من وجودك على الـsocial media هى انك تخلى الناس يحبوك .. لو معملتش كده هتبقى فشلت ..  و الناس مش هيحبوك الا لو لقوك مفيد بالنسبة ليهم .. و مش هتبقى مفيد الا لو سمعتهم كويس و عرفت هم محتاجين ايه و قدمتهولهم .. هى سلسلة مرتبطة ببعض ومينفعش توقع حلقة منهم

طب ازاى تبقى مفيد ؟ لازم تكون بتقدم حاجة valuable  للـaudience بتوعك هم محتاجينها .. او تقدم حاجة مفيش حد غيرك بيقدمها  .. بس خلى بالك هم مش هيحبوك عشان انت بتفيدهم .. هم هيحبوك عشان انت بتفضل تفيدهم

بمعنى انك لازم تفضل مستمر فى تقديم الـvalue و متوقفش خالص
ولازم تكون فعلا value محدش يعرف يقدمها غيرك وتكون اعلى من توقعاتهم بكتير
انت لو مجرد اديتهم حاجة تـsatisfy الـneed بتاعتهم فا انت هتبقى كويس .. بس لما تقدملهم حاجة اكبر من اللى هم متوقعينها فا انت هتدخل فى مرحلة الـ Thought leader

لو اختفيت مش هيفضلوا يحبوك .. محدش بيحب حد بعد ما يسيبه ويمشى على غفلة (مسأله ثقه)

الوصية الثالثة : لا تكذب

 

طبيعى جدا ان اى بنى آدم ميحبش يتعامل مع حد بيكدب عليه .. و بما اننا اتفقنا ان  الـbrand لازم يبقى بني أدم  مش Robot فا مينفعش خالص يبقى الـposition بتاعك فى دماغ الـaudience بتوعك انك brand كداب!!

اصلا فى العصر اللى احنا فيه ده مينفعش حد يكدب على حد

لو قولت معلومة غلط الناس هيعملوا search عليها و هيعرفوا انك بتكدب

ولو كدبت و اتكلمت عن منتج او  خدمة عندك  ومقولتش الحقيقة محدش هيسكتلك

أكدب ع الـsocial media و أوعدك انك هتوحشنا 

الوصية الرابعة :  إعترف باخطائك

بما اننا بنى آدمين فا طبيعى اننا نغلط .. عادى

بس اللى مش عادى ومش طبيعى اننا نحاول ندارى الغلطات على الـsocial media

لو عندك غلط او مشكلة اعترف بيه فورا و اعتذر عنه و خد كل اجراءاتك عشان تمنع الغلط ده يحصل تانى

بس لو حاولت تداريه صدقنى هتلاقيه انتشر بشكل متتخيلهوش .. فى brands الـpages بتاعتهم قفلت خالص بسبب انهم حاولوا يداروا غلط عندهم

من الاخر لو معترفتش بغلطك .. محدش هيسمى عليك

الوصية الخامسة : كُن أمين

 

أوعى توعد الـaudience بتوعك بحاجة و متنفذهاش

تخيل كده  لو واحد صاحبك وعدك بوعود كتير ومعملش منهم اى حاجة .. انت هتبقى حاسس من ناحيته ايه؟

اكيد مش هتبقى بتحبه و مش هتثق فيه .. هتقول ده بتاع كلام

حتى لو بعد كده وعدك بحاجة وهو فعلا هينفذها مش هتبقى مصدقه

عشان كده لازم تكون أمين مع الـaudience و تعتبرهم صحابك اللى مينفعش توعدهم بحاجة انت مش هتعملها

كن أمين .. هتلاقى الناس بيثقوا فيك بسرعة

الوصية السادسة : لا تسرق

متسرقش ع الـsocial media من حد خالص و ده له أسباب كتير

اهمها طبعا انك هتكون فى نظر الـaudience بتوعك حرامى .. انا لو شايف brand بيسرق أفكار أو content من brand  تانى مش هيبقى فى نظرى غير حرامى!!

تانى سبب ان لو انت معملتش content  خاص بيك .. انا ايه اللى هيجيبنى عندك ؟ منا اروح للـbrand الاصلى اللى انت بتسرق منه على طول!!

و السبب التالت انك مش هتبقى بتقدم value جديدة .. مانت سارق من حد تانى بيقدم نفس الـvalue امال فين الـpurple cow بتاعتك انت؟!

لو عايز تاخد content من اى حد تانى لازم تستأذنه او ع الاقل تقول ان واخد الحاجة دى من الشخص الفلانى .. متسيبش الـaudience يكتشفوا ده لوحدهم لأن حتى لو انت نيتك كويسة هيعتبروك سارق

السرقة هتوديك فى داهية

الوصية السابعة : كن مُلهِم

حاول تغير فى تفكير الـaudience بتوعك و تلهمهم انهم يعملوا حاجات جديدة و يجربوا افكار مختلفة و يفكروا اصلا بطريقة مختلفة

خليهم يجربوا و يخترعوا و يقولولك على اللى وصلوله .. حاول تكون سبب فى انهم يتغيروا للأحسن

انا عن نفسى بحب صحابى اللى بيخلونى افكر و اشتغل و اشغل دماغى و دى من أكتر الحاجات اللى هتخلى الناس اللى بيتابعوك يحبوك جدا

كن مُلهِم .. و هتتفاجئ بالنتيجة اللى هتجيلك

طبعا متنساش انك تكون لطيف و sociable وانت بتعمل الحاجات دى كلها .. دى social قبل ما تكون Media يعنى 

 

لو عملت الحاجات دى هتتفاجئ بالنتيجة اللى هتجيلك من كتر ماهى حاجة مبهرة.. الـsocial media  مش مجرد مجموعه tools الـsocial media أسلوب حياة

ودلوقتى قولولنا انتوا بتنفذوا كام وصية من الوصايا دى وانتوا شغالين على الـsocial media  ؟ 

الموضوع منقول من هناااا 

Social media الوصايا السبعة للـ

Ahmed khaled